Баракалла билдирди
«Къарабудагъгент район» муниципал районну башчысы Магьмут Амиралиев Къарабудагъгент районну территориясында дезинфекция ишлер оьтгеривде актив кюйде ортакъчылыкъ этгени саялы, Россия Федерацияны Ногинск шагьардан гелген МЧС центрыны къуллукъчуларына гьакъ юрекден баракалла билдире.
Россияны Президенти В.В.Путинни буйругъун яшавгъа чыгъара туруп, айтылгъан центрны къутгъарывчулары Къарабудагъгент районну юртларындагъы кёп тюрлю социал объектлеге дезинфекция этдилер.
Олай да, дезинфекция ишлер район администрацияны бинасында, юртлардагъы поликлиникаларда, парклар ва скверлерде, почну бинасында, межитлерде ва башгъа тюрлю объектлерде этилди.
Демек, бизин районгъа май айны 26-нда Россия Федерацияны МЧС-ини Ногинский центрындан къураллар булангъы 8 адам, 1 МКСО техника, 3 бензин булан ишлейген чачавуч (распылитель), 1 парогенератор гелген эди.
Олар шо заманны ичинде 94450 квадратный метр майдангъа дезинфекция этген.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
