Кёмекге врачлар йиберилген

Коронавирус инфекция аврув булан къыставуллу гьал Темиркъазыкъ Кавказны республикалары: Темиркъазыкъ-Осетия-Алания, Ингушетия, Дагъыстан республикаларда, Россияны бир нече оьзге регионларында къыставуллу кюйде къалып тура.

Ерлерде врачлар аорта, медицина къуллукъчулар коронавирус инфекция аврувдан авруйгъанланы сав этмек, медицина кёмегин болдурмакъ учун къолундан гелеген бары гьаракатны эте, азарханаларда тарыкълы дарманлар етише буса да, гьал авур.

Россия Федерацияны Президенти Владимир Путин Темиркъазыкъ Кавказны оьрде атлары эсгерилген республикаларында коронавирус инфекция аврувну яйылывуну алдын алмакъ, авруйгъанланы сав этмек учун ерли докторлагъа кёмекге Москва шагьардан коронавирус инфекция аврувну алдын алывда аврувлагъа кёмек эте туруп сынав топлагъан докторланы бригадалары йиберилген. Республикалагъа гелген врачланы бригадалары тарыкълы дарманлар, къураллар булан гелген.

Хас маълумат къураллар билдиреген кюйде, арбагюн врачлар хас рейс булан Темиркъазыкъ-Осетия-Алания республиканы тахшагьары Орженикидзени аэропортуна тюшюп къотарылма башлагъан. Шолай рейсни Дагъыстанны аэропортуну къуллукъчулары да къаравуллагъан деп билдире.

Озокъда, шо республиканы савлукъ сакълав тармагъыны къуллукъчуларына коронавирус инфекция аврувну алдын алыв – авруйгъанланы сав этив гьаракатда республиканы районларыны врачларына уллу кёмек ва багьасы ёкъ сынав.

Хас маълумат къуралланы вакиллери такрарлайгъан кюйде, врачлар регионлагъа эки жумагъа гелген, тарыкъ болса, касбучуланы командировкасы узатылма бола.