Белгили кюйде, жуманы башында, демек, июль айны 15-нде, хоншу Мычыгъыш республикада 2024-нчю йылны Кавказ инвестиция форуму оьтдю. Эсгерилген форум 3 гюн юрюлдю. Генг кюйде оьтгерилген чараны гьар тюрлю уьлкелерден гелген ортакъчылары – экспертлер, бизнесменлер, гьакимлик къурумланы вакиллери, бир уллу майданчада ёлукъгъан.
Бу йыл учун уллу агьвалат болуп токътагъан чарада Дагъыстан уьлкебизни стенды да ачылгъан ва шогъар биринчилерден болуп Россия гьукуматны Председатели Михаил Мишустин ва Вице-премьер Александр Новак оьзлени тергевюн болдургъан.