Янгы тюшюмню гьайы этиле
Юзюмчюлюк тармакъда загьматчыгъа йылны не заманында да этме иш табыла. 1 гектар бав 4 адамны йыл боюнда иш булан таъмин эте деп негьакъ айтмай.
Тарихге гетип барагъан йылны районну юзюмчюлери уьстюнлю кюйде тамамлай. Тюшюм береген 1738 гектардагъы юзюмлюклени гьар гектарындан 142,4 центнер тюшюм алынгъан. Айры-айры загьмат коллективлени натижалары дагъы да къуванчлы.
Юзюм бавланы тюшюмю къайтарылды деп гезикли ишлени артгъа теберип къойма тюшмей. Шону яхшы англайгъан юзюмчюлерибиз, гелеген йылны тюшюмюню гьайын эте туруп юзюмлюклени сыдра араларын сюрюв, дым сугъарыв ишлени башлагъанланы санаву, сюрюлеген гектарланы къадары гюн сайын арта.
Йылны бу вакътисинде юзюм бавланы минерал, ерли кюйлевючлер берип азыкъландырмакъны гьайын да этсе яхшы болур эди.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
