177 гектар къалгъан
2021-нчи йылны тюшюмю учун чачылгъан 15263 гектардагъы гюзлюк, язлыкъ къылчыкълы ашлыкъланы тюшюмюн къайтарыв районну муниципал къурулувларында устюнлю кюйде тамамланывгъа бара тура. Эсгерме герек йылдан-йыл топуракъда доланма авур бола бара.
Бир якъдан районну ичинде бар юрт хозяйство техника эсги бола. Экинчиси ягъарлыкъ, майлав материалланы, минерал кюйлевючлени багьалары гьатдан озуп гётерилип бара. Гьалиден 5-6 йыл алда бир къап минерал кюйлевюч «Нитроаммафос» къапны багьасы 300-400 манат эди буса, гьали шо кюйлевючню къабы 2 минг манатгъа чыкъгъан. Селитраны багьасы да 100 процентден къолайгъа гётерилген. Булар, ягъарлыкъ-майлав материаллагъа, запас частлагъа гетеген чыгъышлар юртлу загьматчы болдурагъан хамалны оьзюне токътайгъан багьасына таъсир эте. Этсе-этсин багьаланы гётериливюню алдын алма айланагъан чиновник – гьакимбаш гёрюнмей.
Шу ва оьзге тюрлю авурлукълагъа да къарамайлы раойнну авлакъчылары, механизаторлар оьзлени къайрталы загьматы булан чачывлардан йылдан-йыл яхшы тюшюмлер къайтаралар. Демек, буссагьтгъы вакътиде тюшюмю къайтарылгъан 9693 гектардагъы гюзлюклени гьар гектарындан 20,8 центнер язлыкъ ашлыкъланы гьар гектарындан 19 центнер, тюшюм къайтарылгъан. Раойнда ашлыгъы орулмагъан оьрде де эсгерип гетгенибиз йимик 177 гектарда ашлыкълар къалгъан. Орулгъан участкалардан умуми алгъанда 31376 тон ашлыкъ басылгъан. Булай авур йылда сугъарылмайгъан къургъакъ топуракълардан шулай тюшюм алмакъ уллу уьстюнлюк.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
