Меню
16+

Сетевое издание «Будни района»

16.07.2021 08:58 Пятница
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Тюшюм къуллукъгъа гёре бола

Автор: Шихав Къайирбеков

Борла – къуллукъну кёп сюеген оьсюмлюк. Юзюм бавларда йылны не заманында да адамгъа этме иш табыла. Бир тайпалар къышда юзюмлюклерде не иш болсун, тарыкълы къуллукъланы эрте язбашда башласа, кютюп болмайгъан не бар дейгенлер де ёлугъа. Эсиме геле, шолайлар хата боладыр.

Касбучулар, юзюмчюлюк тармакъда узакъ йыллар ишлеп бай сынаву булангъы ёлдашлар бир гектар юзюм бав сав йыл дёрт адамны иш булан таъмин эте дейген сёзлени кёп эшитгенмен.

Мен оьзюм де борлагъа къуллукъ эте туруп гьис этгенмен: мол тюшюм учун борлагъа къуллукъ этивню бир болжалы (процес) йырылса, яхшы гюч салмасанг, къалгъан бары да къуллукълар йырыла, шогъар яхшы тюшюнгенмен. Къыш айларда буса къуру бутавну башлагъынча, сийрек ерлерин толумлашдырмакъ муратда зикнай ишлер оьтгерилсе, тюшюмге къошум болагъаны гьакъ. Бу калималар юзюмчюлюк тармакъда биринчи абатлар этеген юзюмчюлер гьасил чыгъарса, зарал болмас.

Бизин районда демократия алмашынывлардан сонг оьзюню къысматын юзюмчюлюк тармакъ булан байлагъан ёлдашлар аз тюгюл.

Къарабудагъгент юрт муниципал къурулувну топураларында борла орнатып, юзюм оьсдюрюв булан машгъул ёлдашлар оьзлени гьаракаты булан яхшы натижаланы къолда эте гелеген фермерлерибиз кёп.

Шоланы арасында Нюрмагьаммат Салаватовну гьаракаты айрыча гёрмекли. Ол юзюмчюлюк тармакъда биринчи абатланы оьзюню агьлюсюню уьюрлерине тиеген топуракъ пайларына борла орнатып къуллукъ этме башлагъаны бугюн йимик эсимде.

«Ашгъа дамагьы ашайгъанда геле» дегенлей, ол юзюм бавларыны майданларын бир къадар генглешдирген. Чинкдеси, ол борланы бары да къуллукъларын оьзю агьлюсюню уьюрлерини кёмеги булан кюте. Н.Салаватов – къол загьматдан къоркъмайгъан, ишден ялкъмайгъан улан.

Бугюнлерде Н.Салаватовну юзюм­люклери сынав участкалагъа парх бере. Этилген агротехника къуллукъланы натижасы – тюеклерде тюшюм мол. Гьали бары гюч тюшюмню аврувлардан, зиянлы жанлардан къорувгъа бакъдырылгъан.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

1