Георгий ленти
Уьлкебизни бары да ерлеринде апрель айны 24-нде «Георгий ленти» деген акция башлана. Шо гьаракат гьалиги заманда яшайгъан наслуну Уллу Ватан давну ортакъчыларына этеген баракалласын, разилигин билдирмекни белгиси болуп гелеген, наринжи (оранжевый) ва къара гьызлары булангъы лентни яйылмакъ булан белгилене. «Георгий ленти» деген акция май айны 9-на ерли узатыла.
. Шо гюнлерде Россияны бютюн халкъы кёп сююп дав макътавлукъну белгисин англатагъан лентаны гийген опуракъларына бегитип, Ватан учун дав юрютген асгерлеге оьзлер этеген абурун, гьюрметин гёрсете.
Апрель айны 26-нда Къарабудагъгент юртда волонтёрлар идаралагъа барып, “Георгий лентлени” такъгъан.
Георгий лентлер волонтёрланы гьаракаты булан Къарабудагъгент районну бары да къурумларында яйылажакъ. Шо гюнлени ичинде савлай районда 3000-ден де артыкъ Георгий лентлер уьлешинежек.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
