Ёл юрюшню конкурсу
Алдагъы гюнлерде Магьачкъалада «Безопасное колесо – 2022» деген республика конкурсну зона этабы оьтгерилди. Конкурсда Къарабудагъгент районну муниципал этабыны алдынлысы – Паравул 3 номерли орта школасыны ЮИД командасы ортакъчылыкъ этди.
Яш «юидовецлер», алдына салынгъан теория ва сынав тапшурувланы кютюп, 2-нчи ерге ес болду.
Эсгерилген конкурс ДР-ни билим берив министерлиги идараланы охувчуларыны арасында ДР-ни УГИБДД-си булан бирче оьтгериле.
Конкурсну аслу мурады: ёл юрюшню къайдаларын уьйретмек; къаравсуз къырда кёп болагъан яшланы хатабалагьлардан къутгъармакъ, охувчуланы спорт булан машгъул болувуна болушлукъ этмек ва башгъалары.
Паравул 3 номерли орта школаны охувчулары эсгерилген конкурсда кёп керенлер ортакъчылыгъын болдургъан ва алдынлы ерлени къазангъан.
Биз оланы командасын башында ёлбашчысы Жагьбат Багьавова да булан гьакъ юрекден етишген уьстюнлюклери булан къутлайбыз, дагъы да оьрлюклеге етишмекни ёрайбыз.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
