Сапиюлла Ширавов: «Бизин элибиз бизге аявлу»
Уллубийавул юртну ветеранларыны советини ёлбашчысы, Къарабудагъгент районну ветеранларыны советини президимуну уьюрю, макътавлукъ орденлерини толу кавалери Абдурагьман Ширавовну уланы Сапиюлла Ширавов Украинада юрюлюп турагъан агьвалатланы гьакъында шулай хабарлай:
«Бугюнлерде Россияны Президенти Владимир Путинни хас указы булан Украинаны топуракъларында хас чаралар юрюле. Шоланы аслу мурады хоншу уьлкеде оьзлеге уя этип токътагъан савутлангъан ва миллетчилик режимни тайдырмакъ.
Бизин барыбызны да оьтген асруну къагьрулу 40-нчы йыллары эсибизде. Шо йылларда фашист Германия ва ону «гючюклери» бизин элибизге чапгъын этген эди. 4 йылны боюнда игит кюйде ябушувлар ва давлар этип, бизин Ватаныбызны ёлбашчылары ва халкъы савлай дюньяны халкъын олардан азат этди ва азаплыкъдан къутгъарды.
Россияны Президенти Владимир Путин дюньяны уьстюндеги бугюнгю гьалны яхшылашдырмакъ ва ёрукълашдырмакъ муратда кёп теренден ойлашып тыш политика ишлени юрюте. Биз оьзюбюзню дазуларыбызны тыш къоркъувлардан аманлыкъда сакъламагъа борчлубуз.
Бугюнлерде Украинагъа гирген бизин асгер къуллукъчуларыбыз шонда оьзлени борчларын къурумлу ва тийишли кюйде кюте. Айтагъаным, олар ерли халкъны мен оьрде эсгерген миллетчилик режимден азат этмекни гьайын эте. Оланы ерли халкъ 1945-нчи йылда йимик, къаршылай. Аталарыбыз ва уллаталыбыз бизин учун якълагъан ва бизге тапшургъан элибиз бизге аявлу».
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
