«Ватан. Борч. Къоччакълыкъ»
Февраль айны 21-нде Дёргели юрт китапханада ону ёлбашчысы А.Изиеваны сиптечилиги, Дёргели школаны башлапгъы класларыны охувчуларыны ва муаллимлерини ортакъчылыкъ этивю булан «Ватан. Борч. Къоччакълыкъ» деген чара оьтгерилди.
Чараны ача туруп, Айшат Изиева жыйылгъанланы Ватанны Якълавчусуну гюнюне багъышлангъан «Ватанын якълавда» деген китап ва сурат выставка булан таныш этди. Сонг ол Уллу Ватан давда дёргелилилени ортакъчылыгъы гьакъда хабарлады. Оланы къоччакълыкъларын эсгерди, яшланы гьар даим давда ортакъчылыкъ этгенлени атларын эсде сакъламагъа, олагъа абур этмеге чакъырды.
Дёргели школаны муаллими Кавсарат Жанбатырова охувчулагъа юртлусу, давну ортакъчысы давгъа алып барып, къайтып алып гелген аш ашайгъан, сув ичеген савутлар булан охувчуланы таныш этди.
Сонг охувчуланы китапхананы актив охувчусу Х.Изиева яшлар оьз къоллары булан этген Ватанны Якълавчусуну гюнюне багъышлангъан сурат выставка булан таныш этди, сурат этгенлени атларын эсгерди
Сёз берилген охувчулар: М. Хидриева «Никто не забыт!», Д.Къурбанов «Пусть будет мир!», М. Файзуллаев «У обелиска», Н.Жанбатырова «День Победы!», Н.Гьасанова «Цветами в мае», М.Байсулов «Отошли бои» деген шиъруланы гёнгюнден охудулар.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
