«Президентни ойларын якълайман»
Европада ерлешген уьлкелер Россияны топуракъларына гёз салгъаны кёп йыллар бола. Айтагъаным, олар бизин топуракъларыбызны елемеге сююп, кёп тюрлю питнелер ва давлар этгени бизин эсибизде. 77 йыл алда Советлер Союзуну халкълары, фашизмден ва нацизмден уьст болуп, Европаны ва савлай дюньяны азат этгени оланы эсинден тайгъанмы?!
Бугюнлерде шо Европа «бандеровецлени» ва миллетчилени ашатып тойдургъан, оланы уьстюне опуракъ берген ва тиши-тырнагъына ерли савутлагъан. Олар «бандеровецлени» Россия булан дав этмеге уьйрете ва кисдире.
Шо «бандеровецлени» гьакъында магъа мени агъам Гьамзатов Ибрагьим Гьамзатович кёп хабарлар айтгъан. Демек, ол Уллу Ватан давну ортакъчысы ва полковник эди.
Белгили кюйде, совет солдатланы бир тайпасына Уллу Ватан дав 1945-нчи йылда токътамагъан. Айтагъаным, мени агъам йимик, минглер булан совет солдатлар дагъы да 5 йылны узагъында «бандеровецлени» тозгъан ва дагъылтгъан. Олар, гертилей де, къызгъанмайгъан ва языкъсынмайгъан халкъ.
Шо саялы да, Европаны ва США-ны ёлбашчылары Украинаны башчыларын оьзлени ойларын яшавгъа чыгъармакъ учун къоллай. Украинаны бугюнгю ёлбашчылары ачыкъ кюйде бандитлер ва миллетчилер деп айтмагъа ярай. Олай болгъанда, шоланы якълайгъан Европаны уьлкелерини ёлбашчылары да шолардан бир де кем тюгюл.
Россияны Президенти Владимир Путинни Украинада оьтгереген хас чараларын гёнгюллю кюйде якълайман ва шо ишде уьстюнлюк болур деп гьакъ юрекден инанаман.
Гьамзат Гьамзатов, тарихчи, эл ахтарывчу, Губден музейни ёлбашчысы
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
