«Спорт булан яшайман»
Москва областны Долгопрудный шагьарында ноябр айны 26-ндан 28-не ерли «Спорт булан яшайман» деген «Локо-дзюдо» яш лиганы ярышы оьтгерилген.
Шо ярышда 2008-2009-нчу ва 2010-2011-нчи йылларда тувгъан Къарабудагъгент ДЮСШ-ни спортчулары да оьзлени ортакъчылыгъын болдургъан ва оьр канзилеге гётерилмеге бажаргъан.
Ачыкълашдырып айтсакъ, 2010-2011-нчи йылларда тувгъан яшёрюмлени арасында 26 кило авурлукъда Жанболат Паталиев 1-нчи ерни къазангъан ва огъар лап да яхшы техникасы саялы грамота тапшурулгъан.
2008-2009-нчу йылларда тувгъан яшёрюмлени арасында 34 кило авурлукъда Имам Гьамзатов 2-нчи ерге ес болгъан ва ярышны онгаргъанланы атындан уьстюнлюкге талпыныву саялы грамота ва савгъат булан савгъатлангъан.
Эки де спортчубузну тренерлери Нариман Гьамитов ва Жанболат Салигьов уьйрете.
Оьтгерилген ярышны алдынлыларын ва оланы тренерлерин етишген уьстюнлюклери булан къутлайбыз ва дагъы да оьрлюклеге етишмекни ёрайбыз.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
