Къарабудагъгент юртну кубогу учун ярышлар
Октябр айны 21-нде футбол оюндан «Къарабудагъгент юрт» юртну кубогу учун гезикли ярышлар оьтдю. Оьтгерилген ярышларда 20 депутат округлардан командалар жыйылгъан эди.
Бир гюнню узагъында юрюлген къужурлу оюнланы натижасында «Къарабудагъгент юртну кубогу – 2023» деген турнирни алдынлылары белгиленди. Гьакъыкъатда «Бекенез» команда 1-нчи, «Чечен-аул» команда 2-нчи, «Сергендир-аул» команда 3-нчю ерлеге ес болдулар.
Ондан къайры да, гьар тюрлю номинацияларда яхшы оюнчулар белгиленди: Магьамматмурат Багьриев – лап яхшы къапу сакълавчу, Азамат Мамаев – лап яхшы якълавчу (защитник), Зайналбек Гереев – лап яхшы ярым якълавчу (полузащитник), Зайналбек Гьажиев – лап яхшы чапгъынчы (нападающий), Руслан Гьайдаров – лап кёп топ гийиривчю (бомбардир), Расул Давутов – лап яхшы оюнчу.
Бу йылгъы турнир къурумлу ва оьр даражада оьтдю.
Юртну башчысы Магьамматсолтан Гьасанов юртну жамиятыны атындан турнирни ортакъчыларына, ярышланы оьтгеривню къургъанлагъа, ярышланы спонсору, бизин юртлу, Магьачкъала шагьарны Совет районуну башчысы Арсен Айдиевге ва оьзге ёлдашлагъа разилигин билдире.
Ол турнирни алдынлысын ва призёрларын къутлады, Гележек ярышларда да уьстюнлюклер ёрады.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
