Гюзлюклени гьалы тергеле

Къышыбыз къарсыз гетсе де, эрте язбаш явунлу болса, берекет болур эди бугъай.

Районну юрт хозяйство тармагъыны касбучулары районну юрт хозяйство тармакъларындагъы ишлени барышын оьзлени тергевюню тюбюнде сакълайлар ва фермерлеге болагъан кёмегин эте, таклифлерин берелер.

Гетген жума районну юрт хозяйство управлениесини баш агроному Магьамматшапи Абдулвагьабов ва Россельхозцентрны район бёлюгюню ёлбашчысы А.Къыявов ёлдашлар Къакъашура ва Къурбуки юрт муниципал къурулувланы топуракъларына чачылгъан къылчыкълы гюзлюк ашлыкъланы гьалын тергеп чыкъгъанлар. Ондан къайры да, касбучулар оьрде атлары эсгерилген муниципал къурулувларда язлыкъ къылчыкълы ашлыкълар чачывгъа гьазирлик гёрювге агьамият бергенлер.

УСХ-ны касбучуларыны язывларында язылгъан кюйде, тергевлени барышында гюзлюк къылчыкълы ашлыкъланы гьалы рази къалардай даражада.

“Къакъашура юрт” муниципал къурулувда язлыкъ къылчыкълы ашлыкълар чачма 280 гектар топуракъ гьазирленген. Таман даражада чачыв материал етише.

Муниципал къурулувланы авлакъчылары язлыкъ къылчыкълы ашлыкъланы чачывну март айны орталарына тамамлама гёз алгъа тутулгъан.

РЕДАКЦИЯДАН:

Районда бар гюзлюклени умуми гьалы яман тюгюл деп гьисап этме ярай. Амма оьсюмлюклеге къарасанг, топуракъда дымлыкъ аз экенни гьис этесен.

Сугъарма имканлыкълар бар участкаланы бир де артгъа салмай, сугъармакъны гьайы этилсе, яхшы болур.

Участкаланы тюшюмлюгюн артдырывда топуракъгъа чачгъынча ерли кюйлевючлер тёгювню, эрте язбашда минерал кюйлевючлер берип азыкъландырывну ролюн, агьамият лылыгъын да унутма тюшмей.

Гюзлюклени чычкъанлардан, чёп отлардан къорув ишлени оьтгерме, чёп отлагъа къаршы гербецит урма чара гёрсе яхшы болур.