Юртлулардан баракалла
Къарабудагъгент районда Байболат-гьажини атындагъы рагьмулу фонд иш гёрегени кёп йыллар бола. Шо вакътини ичинде оьрде аты эсгерилген фонд районну оьзге юртларына йимик Къарабудагъгент юртну халкъына да кёмек этген, рагьмулу къолун узатгъан.
Айрокъда Байболат-гьажини атындагъы рагьмулу фондну рагьмулу, садагъа ишлери бусурманлагъа лап да сыйлы Рамадан ай гелгенде этеген садагъалары бир къадар арта. Айтагъаныкъ, бу сыйлы айда фонддан таба садагъалар уьлешине. Алдагъы гюнлерде Байболат- гьажини атындагъы фонд Къарабудагъгентде яшайгъан гьар ожакъгъа бир къап 50 кило ун, бир къап 25 кило шекер, 5 литр май уьлешип, уллу садагъа иш этди. Аллагь къабул этсин!
Къарабудагъгент юртну жамияты бу сыйлы айда Байболат-гьажини атындагъы фондну ачгъанлагъа, фондну садагъаларын халкълагъа етишдирмек учун арымай-талмай гьаракат этегенлеге , садагъаланы адамлагъа етишдирген шофёрлагъа ва биз атларын эсгермей къойгъан ёлдашлагъа баракалласын билдире, къаркъараларына къатты савлукъ, узакъ оьмюр ёрайлар.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
