Сыйлы айда зувап иш
Рамазан ай – лап да сыйлы айланы бириси гьисаплана. Бу айда бары да бусурманлар садагъа этивге айрыча агьамият бере, демек пакъырлагъа, етим яшлагъа къол узата, бир биревню ораза ачмагъа чакъыра ва оьзге рагьмулу ишлер этиле.
Шолайлыкъда, март айны 30-нда Магьачкъаладагъы «Банкет-Холл» деген шатлыкълар оьтгерилеген залда СВО-да жанын къурбан этгенлени ювукъларыны «Сила матерей» деген бирлешивю «Женщина бизнеса Дагестана» деген ассоциацияны якълаву булан садагъа этмек ва адамлагъа оразасын ачдырмакъ муратда рагьмулу чара оьтгерген.
Эсгерилген чарагъа дазулангъан имканлыкълары булангъы яшлар ва оланы ювукълары, Сириядан къайтарылып гелген яшлар ва Палестинадан гелгенлер чакъырылып гелген эдилер.
Шо гюнгю зувап учун юрюлген чараны гьюрметли къонакълары болуп милли политика ва динни масъалаларына къарайгъан министры Энрик Муслимов, ДР-ни Халкъ Жыйыныны депутатлары, Магьачкъала шагьар ва Къарабудагъгент район администрацияны, Магьачкъала шагьарны Ленин районуну депутатларыны корпусу, динчилени ва жамиятны вакиллери оьзлени ортакъчылыгъын болдургъан.
Дагъыстанны тахшагьары Магьачкъалада рагьмулу юрекли адамланы сиптечилиги булан оьтгерилген шо чарада бизин райондан СВО-ну ортакъчыларыны аналары Гюлзарият Сурхаева, Насибат Алхасова ва район администрацияны маданият ва туризм бёлюгюню ёлбашчысы Найида Мурзаева ортакъчылыкъ этгенлер.
Сыйлы айны ичинде этилеген шулай рагьмулу, зувап ишлер халкъны арасында татывлукъну артдырывгъа, оланы бирлешивюне таъсир этежегине инанабыз.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
