СВО-ну ортакъчысын къабул этген
Россияны янгы топуракъларында юрюлеген хас дав чараны ортакъчыларына абур, сый этиле, олагъа гьар даим баракалла билдирилип тура ва агьлюлерине материал, ругь якъдан якълав да бар.
Демек, олагъа тийишли кюйде тергев бериле.
Алдагъы гюн районну башчысы Магьмут Амиралиев оьзюню иш кабинетинде СВО-ну ортакъчысы Амирхан Патуллаевни къабул этген.
Амирхан Патуллаев 1999-нчу йылда Къарабудагъгент районну Дёргели юртунда тувгъан. 2023-нчю йылны сентябр айында ол «Ахмат» деген батальонну сыдраларына къуршалгъан. Асгерлик къуллугъуну вакътисинде Амирхан инг къызгъын дав юрюлеген Бахмут районгъа бакъдырылгъан ва шонда огъар 3 яра тийген.
Докторланы кёмеги булан савлугъу да къолайлашып, бугюнлерде А.Патуллаев уьюнде.
– Амирхан, биз бугюн сени кёп сююп къаршылайбыз. Сен де, сени асгер ёлдашларынг да Донбасны ва Новороссияны халкъын неонацистлерден азат эте туруп, Ватаныбызны интереслерин якълайсыз. Сагъа да, дав ёлдашларынга да къатты савлукъ, душмандан уьст болуп ожакъларыгъызгъа сав-саламат къайтмакъны ёрайман. Биз СВО-ну ортакъчыларына этилеген кёмеклени бир мюгьлетге де токътатмажакъбыз. Мени иш кабинетимни эшиклери сизин ва сизин агьлюлеригиз учун гьар заман ачыкъ,–деген М.Амиралиев, А.Патуллаевге разилигин билдире туруп.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
