Орамлар онгарыла
Районубузну ичиндеги юртларда шоланы яшавлукъ-коммунал хозяйствосун яхшылашдырмакъ ва ёрукълашдырмакъ муратда гьар гюн ишлер юрюле деп айтмагъа ярай.
Ачыкълашдырып айтсакъ, алдагъы гюнлерде Аччысув посёлокда бир орамгъа асфальт салмакъ учун шо ёлну тегиш этив ишлер юрюлюп тура.
Демек, Вокзальная орамны 1070 квадрат метр майданына «Промдорстрой» деген подрядчик тегиш этив ишлерин оьтгерип тура. Шо ишге 2 хас техника ва 5 адам къуршалгъан. Оьрде эсгерилген ишлени кютмек учун ДР-ни транспорт ва ёл хозяйство министерлигини хас программасындан 800 минг манатны къадарында харж гёрсетилген.
Шолай ишлер районубузну бирдагъы гиччи юрту – Аданакъда да юрюлюп тура. Ачыкълашдырып айтсакъ, юртну Жумамежитине барагъан Дагьировну атындагъы орамны 135 метр узунлугъуна асфальт салынып тура.
Аданакъ юртда этилеген шо асфальт салыв «Мени Дагъыстаным – мени ёлларым» деген республика хас проектге гёре оьтгериле.
Гертилей де, адамланы социал-яшавлукъ шартлары яхшылашсын учун яшавлукъ-коммунал хозяйство тармакъда районубузну ичиндеги юртларда гьар йыл шолай ишлер юрюлюп тура.
Айтмагъа герек, районубузну ва юртланы администрациялырыны башчылары республика ва федерал даражаларда оьтгерилеген хас программаларда ва проектлерде гьаракатчылыкъ гёрсетип ортакъчылыкъ эте.
Халкъны яшав шартарын ва турушун ёрукълашдырмакъ ва яхшылашдырмакъ муратда этилеген ишлер юртларыбызны безендирегенине шеклик ёкъ.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
