Далапчылар булан ёлугъув
Июль айны 14-нде район администрацияны жыйынлар оьтгереген уллу залында районну далапчылары булан ДР-ни далапчылыкъгъа ва инвестициялагъа къарайгъан Агентлигини ёлбашчысы А.Хрюкин, республиканы далапчыларыны ихтиярларын якълайгъан вакили М.Далгьатов, ДР-ни Халкъ Жыйыныны депутаты, З.Тагьибова, ондан къайры да Агентликни табилигини тюбюндеги къурумланы, ва фондланы ёлбашчыларыны ортакъчылыгъы булан ёлугъув оьтгерилди. Ёлугъувну районну башчысыны орунбасары Сапиюлла Сайитов ачды ва юрютдю.
Гелген къонакълар орта ва увакъ далапчылыкъ булан машгъул ёлдашлагъа гьукуматны янындан не йимик кёмеклер этилегенин, шо кёмеклерден нечик пайдаланма болагъаны гьакъда англатывлар берип сёйледилер.
Ёлугъувну барышында районну далапчылары, сабанчы-фермер хозяйстволаны ёлбашчылары гелген къонакълагъа соравлар берип, толу кюйде жаваплар алдылар.
Ишчи ёлугъувну ахырында районну алдынлы далапчыларыны бир бёлюгюне, орта ва увакъ далапчылыкъда гёрсетеген гьаракаты саялы, савгъатлар тапшурулду.
Ёлугъув районну далапчылары учун пайдалы болур деп умут бар.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
