Сергей Меликов бизин районда
2-нчи июнда ДР-ни Башчысы Сергей Меликов иш сапар булан бизин районда болду. Ону шо сапарында ДР-ни Пачалыкъ секретары Магьамматсолтан Магьамматов, ДР-ни Халкъ Жыйыныны депутатлары Магьаммат Магьамматов ва Далгьат Залбеков, олай да, Къарабудагъгент районну башчысы Магьмут Амиралиев, республиканы министрлери, масса маълумат къуралланы вакиллери узатдылар.
Олар инг башлап “Союз” деген овощлар сакъланагъан хас ерде болду. Ондан сонг, гёзел Каспий денгизни боюнда ерлешген муниципал пляжгъа, “Каспий-Марина” деген ял алагъан базагъа барды.
Савлай республикагъа аты белгили “Герей-тюз” агрофирмада юзюм сакъланагъан складлагъа, сонг да чагъырлар выставка этилеген ерлеге Сергей Меликов ва оьзгелер оьзлени тергевюн этдилер.
“Герей-тюз” агрофирмадан сонг къонакълар ва оланы узатагъанлар Жанга юртда 120 гиччипав тарбияланмакъ ва билим алмакъ учун кьурулгъан яшлар бавунда да болдулар.
ДР-ни Башчысы ва ону узатагъанлар Губден юртда янгы кьурулгъан маданият уьйню бинасына къарагъан сонг, Россияны Игити Абдулмалик Магьамматовну уьюнде де болдулар ва ону игитлиги гьакъда да бирдагъы керен айтылды.
(Материал гелеген номерде генг кюйде берилежек)
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
