Имканлыкъланы къолдан чыгъарма тарыкъ тюгюл
Май айны 31-нде район администрацияны аппаратыны гезикли жыйыны болду. Жыйында районну башчысы Магьмут Амиралиев, ону орунбасарлары, бёлюклерини ёлбашчылары, юртланы башчылары, райцентрда иш гёреген къурумланы ёлбашчылары ортакъчылыгъын болдурдулар.
Чараны гиришив сёз булан районну башчысы Магьмут Амиралиев ачды ва юрютдю.
Ол, залдагъылар булан саламлашып битген сонг, май айны 30-нда республиканы башчысы Сергей Меликовну ёлбашчылыгъыны тюбюнде республиканы районларында догазификация программаны яшавгъа чыгъарывда гёрюлюп турагъан ишлер, ватандашланы уьйлерине газ гелтирмек учун тарыкълы кагъызланы, этилеген дыгъарланы гьакъында сёз юрюлгенин ачыкълашдырды.
Районда догазификация программа булан адамланы толу табии газгъа бакъгъан талапларын яшавгъа чыгъармакъ учун этилип турагъан ишлени гьакъында баянлыкъ берме районну башчысыны биринчи орунбасары Ибрагьим Абдулмажитовну сагьнагъа чакъырды. Оьзюню сейлевюнде ол тийишли кагъызлары ёкъ, тек, догазификация программа булан газ тартылма тарыкъ 5317 яшавлукъ уьй барын аян этди.
И. Абдулмажитов оьзюню сёзюн узата туруп газлашдырмакъ учун районда 144 уьйге заявка берилгенин, 16-на дыгъарлар этилгенин аян этди.
И.Абдулмажитов догазификация программа булан районну къайсы юрту нечакъы заявка бергенин малим этди. Гьакъыкъатда Къарабудагъгент 22, Гьели 7, Паравул 6, Къакъашура 21, Губден 21, Къурбуки 9. Манас 26, Зелелноморск 27, Аччи-сув 1, Уллубийаул 4, Аданакъ 0, Дёргели 0, Агъачаул 0, Манасгент 0 заявка берген.
Докладчы оьзюню сёйлевюнде догазификациягъа районда заявкалар беривню акъсайлайгъанына аслу себеп – адамланы топуракъ гесеклерине, яшавлукъ уьйлерине тарыкълы, талап этеген кагъызлары ёкълукъ. Ол дагъы да ДР-ни башчысы Сергей Меликовну къарары булан топуракъланы, яшавлукъ уьйлени кагъызлары енгиллешдирген къайдада 3 гюнлюк болжалда онгарма тарыкъны эсгерди.
Чарада оьзюню гьасиллер чыгъарып сёйлевюнде районну башчысы Магьмут Амиралиев догазификация программагъа документлер июль айны 1-не ерли берилип битме гереклигин аян этди ва юртланы башчыларына, оьзге жаваплы къуллукъланы ёлбашчыларына догазификация программа талап этеген кагъызланы онгарып битме болжал гёрсетди ва юртланы халкъларыны газгъа бакъгъан талапларын яшавгъа чыгъарывда догазификацияны имканлыкъларындан пайдаланма чакъырды.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
