Ата-анасы булан ёлукъгъан
Савлай дюньягъа малим кюйде, Россия Федерацияны Савутлу Гючлери Донецк ва Луганск халкъ республикаланы якълап, Украинада миллетчиликни алдын алмакъ учун хас дав чара оьтгерилегени эки айдан къолай бола.
Озокъда, дав чара юрюлеген ерде тас этивлерсиз болмай къалмай. Бизин уьлкени ва ДНР, ЛНР-ни халкъларыны азатлыгъы учун юрюлеген хас дав чарада бизге, айрокъда яшланы ата-аналарына, дос-къардашларына авур, авлетлери оьлюп гелгенлер де болду. Парахат заман ватаныбызгъа туврадан-тувра къоркъунчлукъ тувдурагъан, миллетчи политика юрютеген Украинада олар тюзлюк учун жанын къурбан этгенлер.
Алдагъы гюнлерде районну башчысы Магьмут Амиралиев Украинада бизин асгерлер юрютеген хас дав чарада жанын къурбан этген Расул Алиевни ва Магьамматмухтар Миятлиевни ата-аналары булан уьйлерине барып ёлукъгъан.
Ёлугъувну барышында Магьмут Амиралиев ёлдашланы Ораза байрам, Уллу Уьстюнлюкню 77 йыллыгъы булан къутлагъан ва Ватанына амин, къоччакь уланлар тарбиялагъанына баракалла билдирген.
«Район администрация оьзюню янындан сизге не якъдан да болагъан кёмекни этежекбиз. Арагъа чыкъгъан не масъалагъыз бар буса мени кабинетимни эшиклери даим де сизге ачыкъ»,- деген М.Амиралиев. Яшланы ата-аналары булангъы ёлугъувда районну башчысыны орунбасары Жалалутдин Жамалутдинов, районну тамазаларыны Советини председатели Абдулгьамит Мамагишиев, районну башчысыны янында къатынланы Союзуну председатели Гюлжанат Темирова, администрацияны аппаратыны ёлбашчысы Жамалутдин Имакъов, маълумат политика управлениени ёлбашчысы Адилбий Къурбанов ва оьзге ёлдашлар узатгъан.
Районну
пресс-къуллугъу
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
