Сагьналашдырыв гёрсетди
Апрель айны 1-нде Къарабудагъгент район маданият Центрында, Маданиятны Йылына кюрчюленип оьтгерилежек чараланы планына гёре, Театрны гюнюне багъышлангъан сагьналашдырыв оьтгерилди.
Белгили кюйде, февраль айны 24-нде Россия Украинада хас дав чара башлады. Шо хас чарада бугюнлерде савлай Россияны солдатлары булан бирче бизин тав элибиз Дагъыстанны къоччакъ уланлары да ортакъчылыкъ эте. Дав тас этивлерсиз болмайгъаны ачыкъ. Дав чараларда ортакъчылыкъ этеген уланлар къыйынлыкълар гёрегени де, яраланагъаны да бизге белгили.
Дав чараларда ортакъчылыкъ этегенлени якълав гьисапда маданият тармакъда тюрлю чаралар оьтгериле. Шолай, оьтгерилген сагьналашдырывда олар бугюнлерде Украинаны топурагъындагъы дав чараларда докторлар яралылагъа багъагъан кюйню гёрсетди. Олай да, дав чараланы башланывуна байлавлу халкъны ойларын, пикруларын, къыйынлыкъланы башдан гечиривюн де гёрсетмек учун РЦКТ-ни къуллукъчулары бек гьаракат этди.
Сагьналашдырывда районну маданият Центрыны солистлери А.Магьамматов Г.Агьматова, П.Гьюсейнова, Къ.Умарова, А.Исрапилов ортакъчылыкъ этди.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.