Cубботник оьтгерилген
прель айны 9-нда Къарабудагъгент районну маданият ва туризм, социал ва яшёрюмлени ишлерине къарайгъан бёлюклери, яшёрюмлени Парламентини уьюрлери «Добрые сердца» деген Къарабудагъгент гимназияны волонтёрлары булан бирче «Волна» деген пляжны майданында субботник оьтгерген.
Районну башчысы Магьмут Амиралиев ДР-ни Гьукуматыны Председателини орунбасары, ДР-ни топуракъ ва мюлк аралыкъларыны министри Завур Эминов булан субботникни барышына тергев этген. Шо гюн олар районну гьар тюрлю, туризм учун ошавлу ерлерине къарап чыкъгъан.
«Бизин район Дагъыстанны ортасында ерлешген. Муниципал пляж –районну халкъына ва туристлеге ял алмакъ учун инг де онгайлы ер. Мунда, сиз де гёреген кюйде, тротуар плитка, скамейкалар, «беседкалар» салынгъан, ял алагъанлар учун дагъы да тарыкълы онгайлыкълар болдурулгъан.
Бугюнгю ва дагъы да оьтгерилежек субботниклени натижасында пляжда яйлыкъ ял алывну башланывуна тазалыкъ болдурулажакъ. Тазалыкъ болдурувда ортакъчылыкъ этгенлеге барыгъызгъа да баракалла!»- деген Магьмут Амиралиев.
Гертилей де, субботник оьтгермек учун активистлер пляжны айырмакълыгъыны аслу себеби – районлулагъа ва къонакълагъа ял алмакъ учун таза ерлер болдурмакъ болуп токътай.
Субботникни ортакъчылары ял алагъанланы энниден сонг да тазалыкъны болдурмагъа ва сакъламагъа чакъыра.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
