Грантны кёмеги булан

Бизин районда иш гёреген «Бекенез» деген СПОК 2019-нчу йылда идараны янындан грантгъа ес болмакъ учун оьтгерилген конкурсда ортакъчылыкъ этген ва алдынлыкъны алгъан.

Олгюнлерде районну юрт хозяйство управлениесини касбучулары, демек, баш инжинери Ж.Акаев ва ведущий касбучусу Гь.Гьажиев ёлдашлар грант акъча маяланы муратгъа къыйышывлу къоллавну, этилеген ишлени барышын тергегенлер.

Айтма тарыкъ, «Бекенез» СПОК-ну ёлбашчысы грантны ва оьзюню харжлары булан тири емлер сакъланагъан ва экструдивный емлер гьазирлейген завод къурма башлагъан. Булай завод бугюнге Дагъыстан республиканы Ногъай районундан къары дагъы районунда ёкъ. Бизин районда къурулагъаны – экинчиси.

Ондан къайры да кооператив ашлыкъ ва оьзге тюрлю емлер ташымакъ учну эки юк ташыйгъан транспорт ва 1 прицеп сатып алгъан.

Экструдивный къайда да емлер гьазирлев нении англата, бу не къайдадыр?

Сакълавгъа салынагъан тири емлер баротермия къайда да оброботка этиле. Будайда, оьзге тири ашлыкъларда бар таксинлерден тазалана, таза ашлыкъ узакъ сакълана. Исси обработкадан оьтген емлер татывлу, сан яны, югъунчлугъу арта, ферментлени активлиги гётериле, гьайванны ашкъазанына ишлетме енгил бола.

Экструдивный емлер гьазирлейген завод пайдаландырывгъа бе­рилген сонг, кооперативни членлери ва районну оьзге гьайванчылары райондан тышгъариге чыкъмай, оьр югъунчлу, узакъ болжалгъа сакълама болагъан емлер алма имканлыкъ яратылажакъ.

Завод «Къакъашура юрт» Советни топуракъларында, «Зеликъакъа» участкада къурула. «Бекенез» деген СПОК-ну ёлбашчылары заводну бу йылны февраль айында пайдаландырывгъа салма гёз алгъа тууп ишлейлер.