Спорт майданча ачылды

Шону тюп майданына искусственный къайда да гьазирленген яшыл хали от булан ясандырылгъан, дёртде янындан сетка булан беклешген, багъаналарда гече ярыкъ болсун учун ярыкъ береген ясандырывлар салынгъан. Шолай онгайлыкълары булангъы спортмайданчаны къурмакъ учун 2 миллион манатдан да артыкъ акъча харжлангъан.

Шо ишде юртлу спонсорларыбыз яхшы кёмеклешген. Масала: Вагьапгьажи Алиев, Абдулла Гьажиев, эркъардашлар Гьасан ва Гьюсен Изамутдиновлар, Ниъматулла Османов, Марат ва Масар Абдуллатиповлар оьзлени аслам къошумун болдургъанлар. Алдагъы гюн билимлени гюнюне багъышлангъан шатлыкъда биринчи зенг урулгъан сонг майданчаны ачылывуна багъышлангъан мердешде оьтгерилди. Шо мердешде Гимназияны директору Адил Салаватов гьюрметли къонакълар, район администрацияны ёлбашчысы Магьмут Амиралиев, республиканы печат ва маълумат министри Умаросман Гьажиев ва оьзге къонакъларда булан майданчаны къапусуна тартылгъан къызыл лентаны гесип майданчаны ачылывунда ортакъчылыкъ этдилер. Лентаны гесивге районну башчысы Магьмут Амиралиев аслу гьалда 1-нчи класланы охувчуларын къуршады. Шо майданча шолар учун, ва шоланы гележеги учун ачылагъанын англатды.