Меню
16+

Сетевое издание «Будни района»

06.08.2021 10:13 Пятница
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Гьазирлик гёрюлюп тура

Автор: Багьавутдин Самадов

Белгили кюйде, бу йыл сентябр айда савлай Россияда сайлавлар оьтгерилежек. Шо гьакъда къабул этилген федерал закон ва Президентни Указы бар. Шоллукъда, алдагъы гюнлерде биз Къарабудагъгент районну территориал сайлав комиссиясыны ёлбашчысы Магьамматсайит Алпанаев булан ёлукъдукъ ва гюзде оьтгерилежек сайлавлар гьакъда баянлыкълар алдыкъ.

Гертилей де, сентябр айны 17-нден 19-уна ерли россиялылар РФ-ни Пачалыкъ Думасыны янгы чакъырывун сайлажакъ. Олай да, дагъыстанлылар шо гюнлени ичинде ДР-ни Халкъ Жыйынына депутатлар сайламагъа болажакъ.

«Шо сайлавлар булан янаша бизин районубузну ичинде беш юртда ерли юрт Жыйынлагъа сайлавлар оьтгерилежек. Ачыкълашдырып айт­сакъ, Манасгент юрт Жыйыныны янгы чакъырывуна 15 депутат сайланажакъ. Олай да, Дёргелиде – 2, Уллубийавул, Агъачавул ва Зеленоморск юртларда – 1-ер депутатлар сайланажакъ»,- деп ол оьзюню сёйлевюн узатды.

М.Алпанаевни маълуматларына гёре, районну ичинде бар бары да 32 сайлав участка комиссиялар ва оланы уьюрлери сайлавланы оьт­гермеге гьап-гьазир. УИК-лени уьюрлерини ва сайлавланы барышына тергев болдурагъан “наблюдателлени” авадан кёп яны коронавирус аврувгъа къаршы вакцина этдирген.

Къарабудагъгент районну территориал сайлав комиссиясыны ёлбашчысы М.Алпанаев эсгерген кюйде, сентябр айны 17-нден 19-уна ерли оьт­герилежек сайлавларда ортакъчылыкъ этмеге бизин районлу 52 минг сайлавчуну ихтияры бар.

Олай да, УИК-лени уьюрлери ва сайлав чараланы ортакъчылары коронавирусгъа къаршы хас маскалар, къолгъаплар, къолларына себеген антисептиклер булан таъмин этилежек.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

4