Меню
16+

Сетевое издание «Будни района»

06.08.2021 09:49 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

4-нчю ерни алгъан

Автор: Абдуллабек Самадов

Оьтген йылны сентябрь айындан башлап Каспийск шагьардагъы «Анжи Арена» спортмайданчасында Дагъыстанда ЛФЛ футбол командаланы арасында ярышланы 1-нчи лигасы юрюлме башлангъан эди. Шо ярышларда 18 команданы футболчулары бири-бири булан ёлугъуп дёгерек къайдада ойнагъанлар.

Футболну оьзге ярышларында йимик командалагъа бу ярышларда 11 футболчу къуршалмайлы, гьар командагъа 8 футболчу къуршалып ярыш оюнлар оьтгериле. Шо ярышларда бизин Къарабудагъгент юртубузну «Бекенез» деген футбол командасы да актив кюйде ортакъчылыгъын болдуруп юрюй. Эсгерилген «Бекенез» футбол команданы уьюрлерине ярышлагъа юрюмек ва ортакъчы­лыкъ этмек учун «Энергогарант» деген страховой акционер компанияны ёлбашчысы, юртлубуз Магьамматкамил Жамалитдингьажиевич Гьажиев спонсор гьисапда яхшы кёмеклеше.

Шо саялы да юртлу футболчуланы ва “болельшиклени” атындан Магьамматкамил Гьажиевге гьакъ юрекден баракалла билдириле. Алдагъы гюнлерде, август айны 1-нде бизин «Бекенез» командабызны футболчулары премьер лигада 15-нчи ерни къазангъан «Мегаполис» команда булан ёлугъуп оьчешип ойнагъанлар.

Шо гюнгю оюн 5:2 санав булан «Бекенез» команданы пайдасына тамамлангъан. Шо оюндан сонг бизин «Бекенез» командабыз ярышларда 4-нчю ерге ес болуп, премьер лигада ойнама ёл ачгъанлар.

Оюнланы юрюшюнде белгили болгъаны йимик, «Бекенез» команданы уьюрю Зайналбек Гьажиев чапгъынчы гьисапда ярышларда ­оьзюн яхшы оюнчу гьисапда танытма бажаргъан.

Премьер лигада да «Бекенез» командабызны футболчуларына савлукъ булан уьстюнлюклер ёрайбыз.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3