Триколорну жумалыгъында

Шолай, Къарабудагъгент районну маданият ва туризм бёлюгюню ёлбашчысы Н.Мурзаева, маданият идараланы къуллукъчулары охувчулар булан Россияны байрагъыны гюнюне багъышлангъан чараланы жумасын оьтгерди.

Айгуст айны 16-нда маданият къуллукъчуланы сиптечилиги булан Къарабудагъгент 1 номерли орта школаны охувчулары идараларда, ёлларда триколор-лентлер уьлешди.

17-нчи августда Къарабудагъгент 1 номерли орта школаны охувчулары РФ-ни байрагъыны макетини фонунда Россияны символларыны гьакъында соравлагъа жаваплар язып, «Флаг нашей славы» деген мастер-клас оьтгерди.

18-нчи августда «Под флагом России» деген онлайн-акция оьтгерилди. Акцияда Къарабудагъгент гимназияны охувчулары ортакъчылыкъ этди. Август айны 19-нда оьтгерилген «Российский триколор» деген флешмобда Къарабудагъгент 1 номерли орта школаны охувчулары Пача­лыкъ байрагъыбызгъа багъышлангъан шиъруланы гёнгюнден охуду.

«Собери цвета флага» деген 19-нчу августда оьтгерилген флеш­мобда «Золушка» деген яшлар бавуну гиччипавлары ортакъчылыкъ этди.

Август айны 20-нда «В нём и честь, и гордость, и отвага» деген концерт программада РЦТК-ны солисти У.Шамилова «Гимн российскому флагу» деген йырны йырлады

Август вайны 21-нде охувчулар учун «Главный символ России – глазами детей» деген сурат выставка оьтгерилди. Къарабудагъгент гимназияны охувчулары пачалыкъ символланы суратларын этди.

Август айны 22-нде «История Государственного флага РФ» деген патриот сагьат оьтгерилди.

Къарабудагъгент тарих-эл ахтарыв музейни ёлбашчысы Х.Алиева байрамны тарихи, пачалыкъ символланы гьакъында хабарлады.

«Жанлы» байракъны суратлап, ону тюслерине гёре тизилген яшлар пачалыкъ байракъны тарихи гьакъдагъы соравлагъа жаваплар берди, чечеген ёммакъланы чечди.