Меню
16+

Сетевое издание «Будни района»

27.08.2021 09:21 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Дюнья ярышланы призёру

Автор: Абдуллабек Самадов

Районну спортчулары учун Уфадан гелген сююнчлю хабар хыйлы спортчуланы оьрлюклеге талпындырды. Айтагъаным, бизин районну Гьели юртунда тувуп оьсген, юрт школасында охуп билим алгъан, Гьели юртдагъы ДЮСШ-де тренер Нюрислам Атагишиевни ва Завур Умаракъаевни уьйретивлери булан тутушуп ябушувну къайдаларына уьйренип юрюген Сагьадулла Агъаев Уфа шагьарда тутушуп ябушувдан юниорланы арасында оьтгерилген, дюньяда биринчилик учунгъу ярышларда алдынлы ерлени бирисине ес болгъан деген сююнч хабар районгъа яшмын яшнагъандай яйылды.

Эсгерилген шо ярышларда районну яш кочабы Сагьадулла Агъаев Азербайжанны командасына къошулуп ортакъчылыкъ этген.

86 кило авурлукъдагъы кочаплар булан гюч сынагъан Сагьадулла шо ярышларда 3-нчю ерни алып, Азербайжанны жыйым командасына аслам къошумун болдургъан, юртлуларыны, районлуларыны гележекге умутларын узатмагъа имканлыкъ тувдургъан. Ону гьакъында хабарлай туруп, Азербайжанны командасыны тренери Сагьадулланы спортгъа бакъгъан якъдагъы гьаракаты гёрмекли болажагъына инанагъанын эсгере туруп, ол узакъ къалмай уллу (эсли) спортчуланы сыдырасына гирежегин ва Европаны, Дюньяны чемпионатларында ортакъчылыкъ этип, оьзюн оьр даражада гёрсетежегине инанагъанын айтгъан.

Бизин районлубуз, Дюнья ярышларда оьзюн гёрсетме бажаргъанлыкъ булан биз де оьктем болабыз ва Сагьадулла Агъаевни етишген уьстюнлюгю булан къутлайбыз.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3