Меню
16+

Сетевое издание «Будни района»

13.08.2021 11:19 Пятница
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Меликов чемпионлар булан ёлукъгъан

Автор: Багьавутдин Самадов

Алдагъы гюнлерде ДР-ни Башчысыны заманлыкъгъа борчларын кютеген Сергей Меликов Токиода оьт­герилген XXXII яйлыкъ Олимпия оюнларда алдынлыкъны алгъан дагъыстанлы спортчулар булан ёлугъув ­оьтгерген. Демек, ол чемпионланы Магьачкъаладагъы «Уьйташ» халкъара аэропортну майданчасында къаршылагъан. Ону булан бирче чемпионланы РФ-ни ябушувдан Федерациясыны президенти ва вице-президенти Михаил Мамиашвили ва Омар Муртазалиев, олай да тутушуп ябушувдан Россияны жыйым командасыны баш тренери Магьач Муртазалиев къаршылагъан.

Бизин чемпионларыбыз: Абдулрашит Садулаев – Олимпия оюнланы 2 керен чемпиону, Завур Угуев – Олимпия оюнланы чемпиону, Магьамматгьабиб Къадимагьамматов – Олимпия оюнларда гюмюш медал, Гьажимурат Рашитов ва Зенфира Магьамматалиева – Олимпия оюнларда бронза медаллар къазангъан.

Олар булангъы ёлугъувда ДР-ни Башчысыны заманлыкъгъа борчларын кютеген Сергей Меликов этген лакъырында эсгерген кюйде, бары да дагъыстанлылар бизин спортчуларыбызны гьакъ юрекден якълагъанын ва оланы уьстюнлюклери булан оьктем бола.

«Дагъыстанлы спортчуларыбыз, гьаманда йимик, оьзлени пагьмусун ва усталыгъын гёрсетдилер, республикабызны ва халкъыбызны атын оьр этдилер. Уьстюнлюк­лени къазанмакъ учун сиз чыдамлыкъ, патриотизм ва сынав гёрсетдигиз. Биз сизин булан оьктем болабыз! Республиканы халкъыны атындан сизин къутлайман, оьзюгюзге, дос-къардашыгъызгъа гьакъ юрекден баракалла билдиремен», — деди Сергей Меликов оьзюню сёйлевюнде.

Шо ёлугъувда РФ-ни ябушувдан Федерациясыны президенти Михаил Мамиашвили де оьзюню ойларын айтгъан. Демек, ону сёзлерине гёре, дагъыстанлылар Олимпия оюнланы чемпионларын ва алдынлы ерлени алгъанланы исси кюйде къаршыладылар. Олай да, М.Мамиашвилини ойларына гёре, Токиода ­оьтгерилген Олимпиада гючлю тогъа тартыв даражада оьтгерилсе де, бизин кочапларыбыз онда уьст болмагъа бажарды.

Ёлугъувну барышында Олимпия оюнларда уьстюн­люкню къазангъан спортчуларыбыз оьзлеге абур этген, инангъан халкъыбызгъа баракалла билдирди. Сонг спортчуларыбызны атына кёп санавда къутлав сёзлер айтылды ва милли бийивлер гёрсетилди. 

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3