Ёлугъув оьтгерилди

Тавтюп диалектге белгили болгъан кюйде, Къарабудагъгент, Дёргели, Къакъашура, Гьели, Паравул юртлар гире.

Июнь айны 30-нда Къарабудагъгент юртну башчысыны кабинетинде ана тилибизни бугюнгю гьалына багъышлангъан ёлугъув оьтгерилди.

Оьтгерилген чарада шо гюн Къарабудагъгент юртну башчысы Магьамматсолтан Гьасанов, «Районну яшаву» газетни баш редактору Асадулла Гьажиев, район администрацияны социал сиясат бёлюгюню ёлбашчысы Гюлжанат Темирова, районну тамазаларыны советини председатели Абдулгьамит Мамагишиев ортакъчылыгъын болдурду.

Къарабудагъгент ерли халкъны сёйлев тилини гьакъында хабарлагъан А.Гьажиев оьзюню сёйлевюнде Къарабудагъгент юртну авуллары ва авулланы сёйлевюню башгъалыгъыны гьакъында жыйылгъанланлагъа ачыкъ этди.

Юртдагъы алдынгъы адатланы, тойланы, ясланы ва башгъа тюрлю намусларыны гьакъында А.Мамагишиев маълуматлар этди.

Чарада ортакъчылыкъ этген Магьамматсолтан Гьасанов ва Гюлжанат Темирова бизин юртну адатларын сакълама тарыкъны гьакъында айтды. Демек, Зарема Къалабзаровна Къочакъаева 1976-нчы йылда Уллубиавул юртда тувгъан. 1993-нчю йылда Дагъыстан пачалыкъ педагогика университетни филология факультетини орус ва дагъыстан тиллени бёлюгюне охумагъа тюше. 1998-нчи йылда оьр ожакъны тамамлагъан сонг, филология предметлерден дарс берип болагъан касбучу деп диплом ала.

2003-нчю йылда Зарема Къочакъаева Дагъыстан пачалыкъ педагогика университетни аспирантурасында охувун узата ва 2008-нчи йылдан башлап Дагъыстан пача­лыкъ университетни аспирантурасына гёчюрюле. Аспирантурада охувун узата туруп, З.Къочакъаева Къарабудагъгент районну Уллубийавул юртундагъы школада ана тилни ва орус тилни муаллими болуп ишлеген.

2009-нчу йылда Н.Э.Гьажи­агьматовну башчылыгъы булан «Уллубийавульский говор кумыкского языка» деген диссертацияны якълагъан.

2015-нчи 2019-нчу йылларда ол Россияны илму академиясыны тиллени ахтарыв институтуну лаборанты ва къуллукъчусу болуп ишлеген.

Шолай З. Къочакъаева тавтюпде ерлешген къумукъ халкъны диалектине ва оланы маданиятына, адатларына багъышлангъан материаллар жыйгъан.

Къарабудагъгент юртда ол Къонгуравул, Мычыгъышавул ва Сергендиравулда турагъанланы сорап, тилин ахтаргъан.

Оьтгерилген мердешде шо гюн Къарабудагъгент юрт китапхананы, район музейни къуллукъчулары актив кюйде ортакъчылыкъ этген. Халкъны тарихин сакълавда аслу ишни музейлер ойнай, неге тюгюл де музейлерде бизин тарихибизге багъышлангъан алатлар сакълана.