Меню
16+

Сетевое издание «Будни района»

09.07.2021 08:46 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Банкир булан ёлукъгъан

Автор: Шихав Къайирбеков

Июнь айны ахыр гюнлеринде районну башчысы Магьмут Амиралиев оьзюню ишчи кабинетинде «Россельхозбанк» АО-ну Дагъыстан регион филиалыны директору Елена Анатольевна Гончаренкону къабул этген.

Ёлугъувда «Россельхозбанк» АО-ну Къарабудагъгент юртдагъы къошум офисини ёлбашчысы М.А. Багъатыров, «Къарабудагъгент район» муниципал районну администрациясыны экономика бёлюгюню касбучулары да ортакъчылыгъын болдурдулар.

Районну башчысы М. Амиралиев ­оьзюню къысгъаракъ сёйлевюнде районну экономика оьсювюнде юрт хозяйство тармакъ аслу роль ойнайгъанын, районну ватандашларыны далапчылыкъ активлигин эсгерген. Юрт хозяйство тармакъны дагъыдан-дагъы гётермек, оьсдюрмек гьаракатда «Россельхозбанк» АО булан тыгъыс байлавлукъда иш тутмакъны агьамиятын малим этген.

Ёлугъувну барышында шулай тармакъларда иш гёрме тарыкъ деген пикирге гелгенлер.

РФ-ни Гьукуматы тергев этеген «Фермерлени школасы» деген программа булан янгы иш башлайгъан фермерлени, тармакъны касбучуларын далапчылыкъ гьаракатгъа ва кредитлер булан ишлевню къайдаларына уьйретив.

Юрт хозяйство продукталар болдурувчуланы енгил кредитлер булан таъмин этив, шону ичинде алгъасавлу кюйде 3-4 предприятиени ва ИП-ни кредит алмакъ учун талап этеген документлени, материалланы гьазирлеме, къарамакъ учун банкгъа бермекни чарасын гёрмек.

Районда «Сельская ипотека» деген программаны гийирмек. Бу янгы программа 2020-нчы йылда гючге гирген. Юрт ерлерде адамлагъа яшавлукъ уьй алма болушлукъ эте. Шо программа булан енгил, йылгъа 0,1-3 процентге ерли кредит алма бажарыла. Программаны аслу мурады гиччи юртланы оьсювюн болдурмакъ. Онда яшайгъан агьлюлени уллу шагьарлагъа гёчювюню алдын алмакъ.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

5