Адил Салаватов: «Мен бютюнлей вакцинаны якълайман»
Къарабудагъгент районну гьюрметли ватандашлары!
2021-нчи йылны январ айыны 3-нде компьютер томография этген сонг, оьпкелерим эки де янындан 30 процентге зараллангъан деп чыгъарылды. Сонг мен 1-нчи шагьар больницада ятып, 15 гюнден сонг мен больницадан къолай болуп чыкъдым. Демек, больницадан чыкъгъан сонг, февраль айны 20-нда биринчи вакцина, март айны 24-нде экинчи вакцинаны этдирдим.
Ишиме байлавлу болуп, муаллимлер, яшлар, ата-аналар ва башгъа къуллукъчулар булан кёп къатнашагъан саялы, гёнгюллю кюйде вакцина этдирдим. Ата-аналар магъа вакцина нечакъы къоркъунчлу тюгюлюн билме сююп, сорай бола.
Гьалиги заман вакцина къоркъунчлу тюгюл деп гьисаплана, неге тюгюл гьалиги вакциналар оьр технологияланы къоллап этилине.
Олар эффектли ва арив яраша.
Вакцина этме яратмайгъанлыкъны санаву аз. Бугюнлерде уьлкеде тувулунгъан гьаллагъа гёре, 21-нчи асруну къыргъынлы аврувундан чыкъмагъа янгыз вакцина кёмек этме бола.
Шо себепден мен ватандашланы вакцина этмеге чакъыраман.
Мен вакцина этмекни якълайман ва бары да халкъ этме герек деп ойлайман. Вакцинаны гьакъында гьар адамгъа нече тюрлю ой тувулунма бола.
Мен школада ишлеймен. Озокъда, оьзюм школада директор болуп ишлеген сонг, яшлар учун да, ата-аналар учун да къоркъунчлу болгъанны сюймеймен. Яшлар школада дистанция сакълап охуй буса да, озокъда, муаллим коллективге оланы къоркъунчлу тюгюлю алдын. Биз бек яхшы заманларда оьмюр сюребиз. Демек, кёп онгайлы имканлыкълар яратма, оьзюбюз сюйген ерде ял алма болабыз. Тек, бугюнлерде шоланы барындан да магьрюм болгъанбыз. Шо – бек яман. Шону учун бизге юртну халкъыны иммунитетин яратывда актив кюйде чаралар гёрме герек. Шо саялы мен бютюнлей масса къайдада этилеген вакцинаны якълайман.
Сизге савлукъ ёрайман. Биригиз де аврумагъыз! Вакцина этдиртигиз!
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
