Меню
16+

Сетевое издание «Будни района»

23.07.2021 09:00 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Ихтиярларыбызны билейик!

Автор: Багьавутдин Самадов

ДР-ни Конституциясы 2003-нчю йылны июль айыны 10-нда Дагъыстанны Конституция Жыйынында къабул этилген эди. Гьар йыл биз июль айны 26-нда Дагъыстанны Конституциясыны байрам гюнюн белгилейбиз. Демек, 1994-нчю йыл июль айны 26-нда Дагъыстанда Конституция къабул этилип байрам гюн деп белгиленген. 2003-нчю йыл къабул этилген янгы Конституция да шо гюн газетлеге чыгъып, 26-нчы июль, алда йимик, байрам гюн деп белгиленеген кюйде къалды.

Конституция – бизин Дагъыстанны лап да Аслу Закону. Ол Дагъыстанны халкъларыны бирлигин беклешдире. Конституцияда айтылагъан кюйде, Дагъыстанны бары да халкълары бирлешип Дагъыстан республикасын къургъан ва шо республикада оланы ихтиярларын якълап ишлей. Онда Дагъыстан республиканы ичинде яшайгъан халкъланы ихтиярлары якълана ва Дагъыстан пачалыкъ къурумуну къайдаларын белгилей. Конституцияны 5 статьясы кёп миллетли Дагъыстанны халкъларыны бирлигин беклешдирмекни уьстюнде ишлей.

ДР-ни Аслу Законуна гёре, ДР-ни Башчысын 5 йыл болжалгъа ДР-ни Халкъ Жыйыны РФ-ни Президентини таклифине гёре сайлай. Шоллукъда, ДР-ни Башчысы бизин республикабызны халкъыны атындан РФ-ни ичинде ва тыш янында сёйлей, пикруларын айта.

Олай да, ДР-ни Гьукуматы республиканы ичиндеги бары да тармакъларда иш юрюте. ДР-ни Гьукуматыны ёлбашчысы ва гьар тюрлю министрлери халкъны яшавун яхшылашдырмакъ муратда чалышалар.

ДР-ни Аслу Законуна гёре, халкъны эркинликлерин ва ихтиярларын болдурмакъ муратда ва вакиллери гьисапда ДР-ни Халкъ Жыйынына депутатлар сайлана. Дагъыстанны Аслу Законунда эсгерилген йимик, бизин тав элибизни тюрлю-тюрлю тиллерде сёйлейген халкъы гьар даим де ич ва тыш душмангъа бирлешип къаршы тургъан, олагъа къатты къапас ургъан. Демек, 1999-нчу йылда халкъара террорчулукъ черивлерине дагъыстанлылар бир юмурукъгъа жыйылып къаршы турдулар ва намарт душманны ана топурагъындан тезликде къуваладылар.

Бу йыл Дагъыстанны Конституциясына 27 йыл бола. Шо йылланы ичинде уьлкебизни халкъларыны яшаву яхшылашсын, оланы ихтиярлары якълансын учун кёп иш этилген. Озокъда, кемчиликлеге ёл берилеген, адамланы ихтиярлары бузулагъан гезиклер де ёлукъмай къалмай. Тек шоланы тайдырмакъ, адамлагъа оьзлени ихтиярларын билдирмек муратда гьар гюнлер булан иш юрюлюп тура.

Социал-экономика, маданият, савлукъ сакълав, яшлагъа билим берив ва башгъа тармакъларда да яхшы янгъа бурулув барын бизин районну халкъларыны яшавундан, юртларыбызны гёзеллигинден, айлана якъны къоруп сакълавдан гёрюп турабыз.

ДР-ни Конституциясына кюрчюленип, бу йыл сентябр айда ДР-ни Халкъ Жыйынына сайлавлар оьтгерилежек. Депутатлар сайлангъан сонг, октябр айны 14-нде ДР-ни Башчысын да сайламакъ учун ДР-ни Халкъ Жыйыны хас къарар къабул этген.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2