Пайдаланма боласыз...
Дагъыстан республиканы юрт хозяйство министерлигини янында республиканы агропромышленный комплексини оьсювюне болушлукъ этеген ГАУ центры иш гёре. Бу центрны касбучулары республиканы юрт хозяйство продукталар болдурувчуларына консультация ва методика кёмегин болдуралар.
Центрны касбучулары ерлеге барып семинар-жыйынлар оьтгеривню, ерли юрт хозяйство продукталар болдурувчулагъа кёмек этивню план графигин тизген ва шо графикге гёре иш гёрелер.
Май айны 27-нде ДР-ни АПК-ны оьсювюн болдурма кёмек этеген центрны директору Михаил Лосев, центрны бёлюгюню ёлбашчысы Дарслан Зайрагаев, ДР-ни юрт хозяйство ва ашамлыкъ министерлигини янындагъы конкурс комиссияны председатели Вагьап Казбеков бизин районда болдулар.
Республиканы тахшагьарындан гелген касбучулар «Къарабудагъгент район» муниципал районну башчысы Магьмут Амиралиев булан ёлукъгъанлар. Ёлугъувну барышында районну агропромышленный комплексини оьсдюрювню планы арагъа салынып ойлашылгъан.
Шо гюн районну агропромышленный комплексини къуллукъчулары, юрт хозяйство производствода доланагъан гьукуматны янындан берилеген грантлагъа, субсидиялагъа ес болма сюеген оьзге иштагьлылар да ортакъчылыгъын болдурдулар.
АПК-ны гьар тюрлю тармакъларында чалышагъан ёлдашлагъа пачалыкъны янындан этилеген якълавланы гьар тюрлю къайдалары, шону ичинде СПОК-ны оьсювюне этилеген кёмеклени, якълавланы уьстюнде токътап, ачыкъ лакъыр болду.
Районну юрт хозяйство продукталар болдурувчулары юрт хозяйствону оьсдюрмек учун гьукуматны янындан берилеген грантланы, субсидияланы гьакъында къонакълагъа оьзлени пикирлерин айтдылар.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
