Меню
16+

Сетевое издание «Будни района»

04.06.2021 08:49 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Алданокъ сайлавлар оьтгерилди

«Бирикген Россия» деген Бютюнроссия сиясат партияны хас уставына гёре, Пачалыкъ Думаны ва РФ-ни субъектлерини парламентлерине оьтгерилеген сайлавланы алдында алданокъ сайлавлар (праймериз) оьтгериле.

Шоллукъда, ДР-ни Халкъ Жыйынына алданокъ сайлавлар оьтгерилди. Эсгерилген алданокъ сайлавлар «Госуслуги» интернет торунда май айны 24-нден 30-уна ерли онлайн къайдада юрюлдю.

«Бирикген Россия» деген Бютюнроссия сиясат партияны Къарабудагъгент район ерли бёлюгю де алданокъ сайлавлар оьтгерди. Партияны Къарабудагъгент регион бёлюгюню сайлав бюллетенине 13 кандидатны фамилиясы язылгъан эди.

Оьрде эсгерилген кюйде, районну сайлавчуларыны 10 проценти алданокъ сайлавланы электрон къайдада оьтгердилер. Май айны 30-нда эртен сагьат 8-ден ахшам сагьат 8 болгъунча районну ичиндеги 7 юртда 7 сайлав гьисап участкада алданокъ сайлавлар оьтгерилди.

Шо гюн оьтгерилген алданокъ сайлавларда районну гьакимбашы Магьмут Амиралиев, юрт администрацияланы башчылары да оьзлени ортакъчылыгъын болдурдулар ва сайлавланы барышына тергев этдилер.

Алданокъ сайлавланы вакътисинде районну ичиндеги бир-бир юртларда маданият масса гёрсетивлер ва чыгъышлар болду. Ачыкъ­лашдырып айтсакъ, Дёргели маданият къалада ерли шаирлер оьзлени шиъруларын малим этди, милли бийивлерин гёрсетди.

Олай да, сайлавланы барышында Къарабудагъгент юртда ерли далапчыланы ва юрт хозяйство мал болдурувчуланы ярмакюсю оьтгерилди. Шо ярмакюде сатылагъан ашамлыкъ продукталаны багьалары базар багьалардан тёбен экенлигин юрт хозяйство управлениени вакиллери билдирди.

Жамият чалышывчулар алданокъ оьтгерилген сайлавланы къурумлу ва оьр даражада оьтгерилгени гьакъда эсгердилер. Масала, ДР-ни Башчысыны янындагъы ватандашлары ихтиярларыны масъалаларына къарайгъан Советини вакили, «Язбаш» деген сакъат-ампутантланы жамиятыны ёлбашчысы Али Мусаев ва Къарабудагъгент районну Жамият Палатасыны ёлбашчысы Абдулгьамит Мамагишиев булай алданокъ сайлавланы оьт­герегени саялы, «Бирикген Россия» деген партияны ёлбашчыларына разилигин билдирдилер.

РФ-ни Пачалыкъ Думасына ва ДР-ни Халкъ Жыйынына алданокъ сайлавлар Къарабудагъгент районну юртларында къурумлу оьтгерилди деп айтмагъа ярай.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3