Меню
16+

Сетевое издание «Будни района»

25.06.2021 08:39 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Оьктем болабыз

Адам оьзюню яшавун бир касбугъа багъышлап, шону булан машгъул болмаса, тюз болур эди деп эсиме гелмей. Неге тюгюл де, адам оьзю яшагъан сонг, оьзюню заманын бошуна йибермей, уллу болгъан сонг, яшавуна тергев берме, не къошум этген экенмен деп артына бурулуп къарама тарыкъ.

Оьзюню загьматыны кьыйматы барын билген сонг, парахат болма бола. Гьали мен шолай касбучуланы бириси, Къакъашура 1 номерли орта школаны муаллими Мусалаева Гюлжанат Закарьяевнаны гьакъында айтма сюемен. Гюлжанат 1971-нчи йылны май айыны 25-нде Къарабудагъгент районну Къакъашура юртунда загьматчылар Закарья ва Гюляйбатны агьлюсюнде тувгъан. Ол, Къакъашура орта школаны битдирип, 1988-нчи йылдан башлап 1990-нчы йылгъа ерли Къакъашурадагъы къуш фабрикада ишлеген. 1989-нчу йылда ол Ленин районну депутаты болуп сайлана. 1990 – 1993-нчю йыллар Каспийск шагьардагъы «Дагдизель» заводда шлифовшица болуп ишлеген. 1992-нчи йыл университетге башлапгъы класлагъа муаллимлер гьазирлейген факультетине охумагъа тюше. 1998-нчи йыл Гюлжанат Мусалаева оьр билимлеге де ес болуп, Къакъашура 1 номерли орта школада башлапгъы класланы муаллими болуп ишлеме башлай. Гюлжанат Закарьяевна школада загьмат тёкме башлагъанлы, ону алдында кёп яш тарбиялангъан ва билим алып чыкъгъан, бары да охувчуларын таза оьзден къумукъ кьылыкъгъа ва хасиятлагъа да уьйретген. Яхшы адамлар кёп бар. Амма Гюлжанат Закарьяевнагъа адам-Малайик деп айтса да, ялгъан болмас. Ол – бек яхшы ва таза адам. Ону рагьмулу келпети ол охутгъанланы эсинден таймай. Гюлжанат район олимпиадаларда ортакъчылыкъ этип, алдынлы ерлеге де ес болгъан. Бажарывлу муаллимибиз булан биз оьктем ва бек шат болабыз. Мен бизин Къакъашура 1 номерли орта школаны муаллимлерини атындан Гюлжанат Закарьяевнаны тувгъан гюню – оьтген юбилей байрамы булан къутлайман. Огъар савлукъ ва узакъ оьмюр берсин деп айтма сюемен.

Жамал Дорушев, Къакъашура юрт

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

6