Меню
16+

Сетевое издание «Будни района»

11.06.2021 09:13 Пятница
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Инвестиция проектлер...

Автор: Шихав Къайирбеков

Гьаманда йимик, жуманы гьар талатгюнюнде район администрацияны аппаратыны генгеши бола. Генгешде районну башчысы, администрацияны бёлюклерини, управлениелерини ёлбашчылары, юртланы башчылары, райцентрда иш гёреген идараланы ёлбашчылары ортакъчылыгъын болдурдулар. Июнь айны 8-нде болгъан район администрацияны гезикли генгешинде районну территориясында гьар тюрлю инвестиция программалар булан этилеген ишлени барышына, программаланы яшавгъа чыгъарылывуна къаралды.

Шо гюн болгъан аппарат генгешни районну башчысыны орунбасары Жалалутдин Жамалутдинов ачды ва юрютдю. Ол залдагъылар булан саламлашып битген сонг, шо гюн къаралагъан масъалаланы яшавгъа чыгъарылыву гьакъда баянлыкъ берме районну админис­трациясыны экономика, инвестиция, территория оьсювюне къарайгъан бёлюгюню ёлбашчысы Фархат Магьмутовгъа сёз берди.

Ол оьзюню сёйлевюн булай башлады:

-Бизин район Дагъыстанны районларыны арасында лап уллу район гьисаплана. Районубузну зорлугъундан къайры, ону ерлешген кюю де бек онгайлы ва инвесторланы оьзюне тарта. Районубуз аграр районгъа гёре, производствону умуми къадарыны авадан янын юрт хозяйство продукция тута. Ачыкълашдырып айтгъанда, район болдурагъан продукцияны 90 проценти юрт хозяй­ство продукталар, 10 проценти –промышленный маллар.

Докладчы оьзюню сёзюн узата туруп, районну экономикасын гётермек, социал-экономика, коммунал масъалаланы чечмек, ватандашланы яшав даражасын яхшылашдырмакъ муратда районну башчысы яхшы гьаракат эте, районгъа инвесторлар гелтирмек учун имканлыкълардан пайдаланма чалыша.

Районубузну инвестиция политикасында савлукъ сакълав тармакълар булан янаша юрт хозяй­ство, коммунал хозяйство, туризм гьаракатчылыкъны оьсдюрювге аслу тергев бериле.

Докладчы оьзюню сёйлевюн давам эте туруп, районну территориясында яшавгъа чыгъарма гёз алгъа тутгъан инвестиция проектлени уьстюнде токътап сёйледи. Ачыкълаш­дырып айтгъанда, Манасгентде 90 тон увакъ мююзлю, 50 тон уллу мююзлю гьайванлар соягъан «Молочник» деген СПОК, Къакъашурада жан (тавукъ) соягъан хас ер къурма сюеген инвесторлар барын эсгерди.

Фархат Магьмутов оьзюню докладында бу йылны июнь айыны 26-нда районну территориясында юрт хозяйство продукталар тёшелеген картон кагъыздан тара этеген предприятие ишге берилежегин эсгерди. Шону натижасында 90 адамгъа иш ерлер болажакъ, шоланы 50-си – бизин райондан барып ишлежек.

Докладчыны сёйлевюнден бирдагъы аян болгъан зат: бизин районну территориясында ерлешген аэропортда бирдагъы- бир янгы терминал къурула. Аэро­портну ёлбашчылары булан этилген сёйлешивлеге гёре, терминал пайдаландырывгъа берилгенде мунда ишлеме бизин районну ватандашлары алынажакъ.

Районубузну экономикасында юрт хозяйство производство аслу ерни тутагъангъа гёре, районда авлакъ ниъматланы ишлетивге, сакълавгъа ва сатывгъа чыгъарывгъа аслу тергев берилме герек. Шо муратгъа гёре, Манасгент юртда овошланы, емишлени биринчилей ишлетеген логистика центрны реконструкция этме, Манасдагъы сок заводда овошлардан консерва этеген цехни онгарма ва оьзге проектлени яшавгъа гийирме гёз алгъа тутулгъан деп, докладчы оьзюню сёйлевюн тамамлады.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3