Машин савгъат этилине
6-нчы апрелде «Язбаш» деген сакъат-ампутантланы жамиятыны ёлбашчысы, ДР-ни Башчысыны янындагъы жамиятны оьсювюне ва ихтиярларына къарайгъан Советни уьюрю Али Мусаев Магьачкъалада ДР-ни Башчысыны ва Гьукуматыны Администрациясыны ёлбашчысы Алексей Гьасанов булан ёлукъгъан. Шо ёлугъувда Къарабудагъгент районну гьакимбашы Магьмут Амиралиев де ортакъчылыкъ этген.
Ёлугъувну барышында «Язбаш» жамиятны денгиз бойда ял алагъан хас базасыны ясандырыву ва гёзеллиги гьакъда да лакъыр юрюлген. Демек, шогъар барагъан ёлну онгармагъа тарыкълыгъы айтылгъан.
Олай да, А. Гьасанов эсгерген кюйде, «Язбаш» деген сакъат-ампутантланы жамияты республиканы ичинде бар къурумланы чинк де алдынлысы ва жамиятны къуллукъларын кютегени.
Шону гёз алгъа тутуп, ДР-ни Гьукуматыны атындан кёмек гьисапда «УАЗ-Патриот» маркалы машин савгъат этилмеге тапшурув берилген. Оьзюню гезигинде, районну башчысы М. Амиралиев «Язбаш» жамиятны базасына барагъан ёлну онгармагъа бойнуна алгъан.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
