Авур атлетиканы алдынлылары
Март айны 2-синден 4-юне ерли Бабаюртну «Бабаюрт» спорткомплексинде авур атлетика булан машгъул болагъан спортчу уланланы ва къызланы арасында авурлукъ гётеривден Дагъыстанны чемпионаты оьтгерилген.
Эсгерилген шо чемпионатда 120-дан да къолай штангистлер оьзлени авурлукъ гётеривдеги гьюнерлерин гёрсетгенлер.
Юрюлген шо чемпионатда бизин районда авурлукъ гётерив булан машгъул болагъан атлетлерибиз де ортакъчылыгъын болдургъан. Олар ярышларда яхшы натижалар гёрсетмеге де бажаргъанлар. Шоланы арасындан 67 кило авурлукъда ортакъчылыкъ этген Амирхан Ильясов (двоеборьеде) 200 килону гётерип, 1-нчи ерни алгъан. 96 кило авурлукъда ортакъчылыкъ этген Расул Темирбеков да шо ярышларда 1-нчи ерни алма бажаргъан. 109 кило авурлукъда ортакъчылыкъ этген Арсанали Абдулманапов буса 3-нчю ерге ес болгъан. Оьрде атлары эсгерилген штангистлер белгили тренерлер Абузагьир Исрапиловну, олай да Расул Темирбековну уьйретивлери булан авурлукъ гётеривню сырларына уьйренип юрюйлер.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
