Меню
16+

Сетевое издание «Будни района»

23.04.2021 09:06 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

60 йыл тамамланды

Бу йыл Юрий Гагарин биринчилей космосгъа учгъанлы 60 йыл тамамлангъанына багъышланып, уьлкебизни башгъа ерлеринде йимик, Къарабудагъгент школаларда да тюрлю чаралар оьтгерилди.

Космонавтланы гюнюне багъышланып оьтгерилген чараларда охувчулар шиърулар охуду, космосгъа багъышлангъан чечеген ёммакълагъа жаваплар берди, тюрлю эстафеталарда ва оюнларда актив кюйде ортакъчылыкъ этди. Чараланы барышында космосну гьакъында кёп тамаша ва къужурлу затланы эшитди, белгили алимлени, конструкторланы гьакъындагъы маълуматлагъа тынглады, Дагъыстанны космонавтларыны гьакъында билди.

Космонавтланы гюнюне багъышланып школаланы фойелеринде китап выставкалар оьтгерилди. Охувчулар олагъа бек тергевлю къарады.

Олай да, охувчуланы ишлеринден толумлашгъан выставкалар да оьзюгер тергевню тартды.

Школаларда «Космическая открытка» деген акция оьтгерилди.

Къарабудагъгент гимназияда завуч-къурумчу А.Арсланбекованы ёлбашчылыгъы ва 9-нчу, 10-нчу класланы ортакъчылыгъы булан «Млечный путь», «Восток» деген баш булан интерактив викторина оьт­герилди.

Къарабудагъгент баш китапхананы къуллукъчулары охувчуланы космосгъа багъышлангъан кёп суратлар, китаплар, журналлар булан таныш этди.

Къарабудагъгент 1,2,3,5 номерли орта школаларда космонавтланы гюнюне багъышланып тюрлю чаралар, демек, суратланы выставкасы, видеороликлер ва башгъа лаборатория ишлер оьтгерилди.

М.Гьажиев, район билим берив управлениени методисти

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

4