Меню
16+

Сетевое издание «Будни района»

02.04.2021 09:13 Пятница
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Омбудсменлер булан ёлукъгъан

Автор: Багьавутдин Самадов

Алдагъы гюнлерде ДР-ни Башчысыны заманлыкъгъа борчларын кютеген Сергей Меликов республикадагъы омбудсменлер булан ёлукъгъан. Демек, ол ватандашланы, яшланы ва далапчыланы ихтиярларын якълайгъан толу ихтиярлы вакиллери Жамал Алиев, Марина Ежова ва Мурат Далгьатов булан ёлугъув оьтгерген.

Олар булангъы ёлугъувну башында С. Меликов гьар тюрлю тармакъда юрюлюп турагъан ишлени гьакъында баян­лыкълар берген ва омбудсменлени тыгъыс байлавлукъда чалышмагъа чакъыргъан. Оланы ишине федерал центр оьр багьа берегенин де ол айрыча эсгерген.

Олай да, С. Меликов оьзюню сёйлевюнде Дагъыстан республиканы социал-экономика оьсювюн болдурмакъ учун хас Стратегия документ къабул этилгенин ачыкъ этген. Демек, шо хас документ 2030-нчу йыл болгъунча республиканы умуми оьсювюне болушлукъ этежек. Сонг да, шону биринчи этабы 2024-нчю йылда тамамлана, экинчиси буса – 2030-нчу йылда.

Шо Стратегия милли проектлер булан тыгъыс байлавлукъда яшавгъа чыгъарылмагъа тарыкълыгъын да С. Меликов англатгъан. Проектлерде аслу гьалда агьлюге, яшлагъа ва аналагъа айрыча агьамият берилегени айтылгъан.

Оьзюню сёйлевюнде ДР-ни Башчысыны заманлыкъгъа борчларын кютеген республиканы омбудсменлерине пачалыкъны янындан оьт­герилеген ишлеге къошулмагъа ва шоланы яшавгъв чыгъармагъа кёмеклешмеге чакъыргъан.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3