Яхшы ябушгъанлар
Апрель айны 5-нден 8-ине ерли Къаягент районну Янгыкъаягент юртунда Дагъыстанны 100 йыллыгъына багъышланып, 2005-2006,2007-2008, 2009-2010-нчу йылларда тувгъан яш боксёрланы арасында, эсгерилген районда биринчилик учун ачыкъ ярышлар оьтгерилген.
Юрюлген шо ярышларда 100-ден де артыкъ боксёрлар оьзлени спортдагъы бажарывлулугъун гёрсетгенлер. Ярышларда ортакъчылыгъын болдургъан Къарабудагъгент ДЮСШ-сини боксёрлары гьаманда йимик, яхшы натижалар гёрсетип ябушгъанлар.
Шоланы арасындан 2009-2010-нчу йылларда тувгъан боксёрлардан:
32 кило авурлукъда ябушгъан Абилев Абилевов, 34 кило авурлукъда ябушгъан Залимхан Багъатыров 1-нчи ерлени, 32 кило авурлукъда ябушгъан Салим Абдуллагьатов буса 2-нчи ерни къазангъан.
2007-2008-нчи йылларда тувгъанланы арасындан: 34 кило авурлукъда ябушгъан Абулазим Гьажиев 1-нчи, 60 кило авурлукъда ябушгъан Завур Османов 1-нчи, 38 кило авурлукъда ябушгъан Арслан Нажмутдинов 2-нчи ерлени алгъанлар, 50 кило авурлукъда ябушгъан Магьач Атаев, 38 кило авурлукъда ябушгъан Жамал Ражапов – булар экиси де 3-нчю ерлеге ес болгъанлар. Эсгерилген боксёрларыбызны тренери – Магьамматали Алиев.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
