Вакцина этив оьтгерилип тура
Барыбыз да билеген кюйде, январ айдан башлап бизин уьлкебизде, олай да районда яшайгъан ватандашлагъа COVID-19 инфекция аврувну алдын алмакъ ва яйылывун токътатмакъ муратда вакцина этив ишлер башлангъан. Ватандашланы савлугъуну гьайын этив – бизин уьлкебизни башчыларыны аслу масъаласы.
COVID-19 инфекциядан аврумагъан ва антителалары ёкъ ватандашлагъа вакцина этилине. Вакцина этгинче, ватандашлар докторланы тергевюнден чыкъмагъа гереклер.
Районну ватандашлары Къарабудагъгент район больницаны поликлиникасына барып «Спутник» вакцинаны этдирип бола.
Демек, март айны 3-не 750 ватандашгъа инфекциягъа къаршы вакцинни 1-нчи компоненти этилген, олай да 72 ватандашгъа 2-нчи компоненти этилген.
Къарабудагъгент районну ичиндеги идараларда ва къурумларда умуми алгъанда 5220-дан артыкъ адам ишлей. Олар бары да вакцина этдирмеге герек.
Докторлар токъташдырагъан кюйде, ватандашланы коллектив иммунитети болсун учун, 60 процентине вакцина этилинмеге герек.
Алдагъы гюн «Къарабудагъгент район» муниципал районну гьакимбашы Магьмут Амиралиев Къарабудагъгент ЦРБ-де вакцина этив ишлер нечик оьтгерилегенни тергеп чыкъгъан.
Магьмут Амиралиев шо гюн гелген ватандашлагъа вакцинни пайдасыны гьакъында хабарлагъан ва бары халкъгъа къоркъмай вакцина этмеге герекни гьакъында эсгерген, таклиф ва вакцина этеген докторлагъа баракалла билдирген.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
