Меню
16+

Сетевое издание «Будни района»

05.03.2021 09:07 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Районну башчысы Губденде

Март айны 3-нде Къарабудагъгент районну башчысы Магьмут Амиралиев 2020-нчы йылны гьасиллерине гёре Къарабудагъгент районну социал-экономика оьсювюне этген къошуму саялы, Гьюрметлев грамота ва акъча савгъатланы тапшурмакъ муратда алдынлы ерлеге ес болгъан «Губден юрт» муниципал къурулувуну администрациясына ва Губден орта школагъа баргъан.

Инг башлап районну башчысы Губден орта школагъа барып, школаны иш коллективине яшлагъа билим беривде этеген гёрмекли къошуму саялы баракалла билдирген ва олагъа Гьюрметлев грамота ва акъча савгъат тапшургъан.

Олай да, районну муниципал къурулувларыны арасында районну социал-экономика оьсювюнде этген къошуму саялы, алдынлы ерге ес болгъан «Губден юрт» администрациягъа да Гьюрметлев грамота ва акъча савгъат тапшургъан.

Сонг районну башчысы, юртну активи, депутатлары, идараланы ёлбашчылары булан оьтгерилген генгешде Губден юрт администрацияны башчысы Осман Жалилов депутатланы алдында 2020-нчы йыл этилген ишлер гьакъда гьисап берген, янгы йылда этме гёз алгъа тутгъан ишлери гьакъда айтгъан.

Районну башчысы этилген ишлер саялы юртлулагъа баракалла билдирген. Ге­нгешни барышында Губден юртдагъы гёнгюллю пожарниклени ишине де разилик билдирип сёйлеген, районну башчысы пожарниклеге де Гьюрметлев грамоталар тапшургъан.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

4