Уьйлери зараллангъанлар булан ёлукъгъан
Белгили кюйде, март айны 11-13-нде Дагъыстанны кёп районларында ва шагьарларында къатты къарлар явду. Шолай, Магьачкъаланы Сепараторный микрорайонунда явгъан къар ириме башлангъан сонг ерлер сюрлюгюп 9 уьй бузулду.
Къарабудагъгент районну башчысы Магьмут Амиралиевни буйругъу булан шо уьйлерде яшайгъанлар бизин районну «Леззет» санаторийине ерлешдирилди. Демек, Къарабудагъгент район администрация оланы яшамагъа ер ва исси аш булан таъмин этди.
Шолайлыкъда санаторийде уьйлери бузулгъан 38 адам ерлешдирилген.
«Бугюнлерде шо зараллангъан уьйлерде яшамагъа ярайму яда ярамайму – мекенлешдирилежек. Шогъар гёре, яшамагъа ярай буса, есилерине болгъан заралгъа гёре акъча харж булан кёмеклер этилежек, яшама ярамай буса, бузулгъан объектлеге багьа берилежек, ДР-ни Гьукуматы гьалгъа гёре къарар чыгъаражакъ», — дей оьзюню уьй есилер булангъы лакъырлашывларында Магьмут Амиралиев.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
