Опер штабны жыйынындан
Март айны 24-нде районда коронавирус инфекция аврувну алдын алывгъа байлавлу оператив генгеш оьтгерилди. Чара районну башчысы Магьмут Амиралиевни ёлбашчылыгъыны тюбюнде оьтдю.
Чараны барышында районну башчысы Магьмут Амиралиев штабны уьюрлерин районда коронавирус инфекция аврувну алдын алыв ишлер, гьал булан ювукъдан таныш этди. Сёйлевюн узата туруп, районну башчысы М.Амиралиев март айны 23-нде ДР-ни Башчысыны заманлыкъгъа борчларын кютеген С.Меликовну ёлбашчылыгъыны тюбюнде видеоконференция байлавлукъда республика оператив штабны жыйыны болгъанны айтды. Шо жыйында республиканы территориясында дазулангъан режимни енгиллешдирив масъалагъа къаралгъан.
Чараны гьасиллерине гёре районну башчысы тапшурувлар берди:
- Жамият ашамлыкъ къурумланы, кафелени ишини дазусун 23 сагьат 00 минутгъа ерли узатмакъ.
- Банкет залланы ишлевюн енгиллешдирмек. Шо бир вакътини ичинде роспотребнадзорну талапларыны бары да шартларын кютмек.
Роспотребнадзорну шартларына гёре залда 150 адамдан артыкъ ярамай. Официантлар банкет заллагъа бегетилме герек, шоллукъда маска гийив режим къатты кюйде сакълана.
Районну башчысы М.Амиралиев районну оператив чарасында районну бары да ватандашларын гёнгюллю кюйде коронавирус инфекция аврувгъа къаршы вакцинация этме чакъырды.
-Шоллукъда шо чара районда аврувну алдын алывда гьар ватандашны оьз къошуму болажакъ, — деди М.Амиралиев
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
