Яш боксёрларыбызны уьстюнлюклери

Юрюлген шо ярышларда Къарабудагъгент ДЮСШ-синде тренер Магьамматали Алиевни уьйретивлери булан бокс ябушувну къайдаларына уьйренип юрюйген яш боксёрлары да ортакъчылыкъ этгенлер. Гьаманда йимик, бизин боксёрларыбызны кёплери хоншу районда юрюлген шо ярышларда да яхшы натижалар гёрсетмеге бажаргъанлар. Масала: 32 кило авурлукъда ябушгъан Абилев Абилевов, 31 кило авурлукъда ябушгъан Салим Абдуллагьатов, 30 кило авурлукъда ябушгъан Хизри Даниялов, 35 кило авурлукъда ябушгъан Залимхан Багьатыров, 52 кило авурлукъда ябушгъан Къамалив Зайнавов – булар бешиси де эсгерилген ярышларда 1-нчи ерлени къазанма бажаргъанлар. 48 кило авурлукъда ябушгъан боксёрубуз Магьаммат Сагьавов буса шо ярышларда 2-нчи ерни алгъан. Къаягент ярышланы алдынлылары болуп гелген яш боксёрларыбызны ва оланы тренери Магьамматали Алиевни етишген гезикли спорт уьстюнлюклери булан къутлайбыз.