Меню
16+

Сетевое издание «Будни района»

19.03.2021 10:21 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Районну башчысыны тергевлери

Автор: Багьавутдин Самадов

Белгили кюйде, март айны 11-нден 13-ю болгъунча бизин районубузда табии хатабалагь болду – къатты кюйде къар явду. Шо хатабалагьны натижасында районну халкъына, олай да юрт хозяйство тармакъда чалышагъанлагъа уллу зараллар болду.

Болгъан заралланы гьасилин чыгъармакъ ва халкъгъа кёмегин болдурмакъ учун районну гьакимбашы Магьмут Амиралиевни хас буйругъу булан комиссиялар къурулгъан. Олай да, республикабызны бир нече министри бизин районда къувунлу гьалны билмек муратда сапар булан болдулар.

Шоллукъда, районну башчысы Магьмут Амиралиев алдагъы гюнлерде оьзюню буйругъу булан къурулгъан комиссияны ишин тергеп чыкъды. Демек, ол табии хатабалагьда зарал гёрген адамлар булан ёлукъду ва хас комиссиягъа зарал гёргенлеге кёмек болдурмакъны таклиф этди. Демек, эсгерилген комиссия тийишли документлени жыймагъа ва топламагъа тарыкъ.

Олай да, ватандашланы тилевюне гёре, алдагъы гюнлерде районну башчысы М.Амиралиев район администрацияны башчысыны биринчи орунбасары И.Абдулмежитовну узатыву булан Янгы Паравулда ва «Уьйташ» СПК-да болдулар. Эсгерилген ерде къарлар ириген сонг, кёп уллу сув жыйылгъан ва кёл болгъан. Шо ерде районну гьакимбашы район администрацияны тийишли къурумларына эсгерилген кёлню ва сувну тез болжалны ичинде тайдырмакъ учун тапшурувлар берди.

Къар явувну натижасында райондагъы УСЗН-ни бинасына да зарал болгъаны белгили. Демек, шону гётермеси бузулгъан ва тёгюлген. УСЗН-ни бинасын ярашдырмакъ ва къурашдырмакъ учун МЧС-ни къуллукъчулары къуршалгъан. Шо тазалав ва янгыртыв ишлеге тергевюн болдурмакъ учун районну башчысы М.Амиралиев оьрде эсгерилген идарагъа сапар булан барды. Шо ерде ол тарыкъ-герек ишлени ювукъ араны ичинде тамамламагъа тапшурду.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

4